Гісторыя банка

1922 год

У Мінску адкрыта Галоўная ашчадная каса, якая ажыццяўляла кіраўніцтва развіццём ашчаднай справы ў Беларусі.

 

1927 год

Ашчадныя касы пачалі прымаць у насельніцтва падаткі, зборы і плацяжы, у тым ліку і за камунальныя паслугі.

 

1930-1931 гады

Арганізавана Галоўнае ўпраўленне дзяржаўных працоўных ашчадных кас і дзяржаўнага крэдыту БССР. Пачалася арганізацыйная перабудова сеткі ашчадных кас з улікам адміністрацыйна-тэрытарыяльнага складу рэспублікі. У рамках крэдытнай рэформы ашчадныя касы ператварыліся ў адзіную крэдытную ўстанову па прыёму ўкладаў насельніцтва і размяшчэнню дзяржаўных пазык.

 

1941-1945 гады

У сувязі з акупацыяй нацысцкай Германіяй терыторыі Беларусі грашовая наяўнасць і каштоўнасці эвакуіраваны ў Казань. Арганізаваны палявыя ашчадныя касы, якія ажыццяўлялі прыём і выдачу ўкладаў на франтах. Праводзілася падпіска на ваенныя пазыкі і збор сродкаў у фонд абароны.

 

1947-1951 гады

У сувязі з правядзеннем грашовай рэформы павялічылася колькасць ашчадных кас, асабліва ў сельскай мясцовасці. Пачалося развіццё сістэмы безнаяўнага разліку, у тым ліку пералічэнне заработнай платы работнікам на іх рахункі.

 

1951-1958 гады

Пастановай Савета Міністраў БССР і ЦК КПБ выпушчана 7 дзяржаўных пазык. Расшыраны функцыі ашчадных кас. Укаранёны першыя аднаразліковыя падсумоўваючыя машыны.

 

1962-1963 гады

Ашчадныя касы перададзены ў распараджэнне Дзяржбанка СССР.

 

1970 год

Распачаты эксперымент па выдачы заработнай платы праз ашчадныя касы на Беларускім аўтамабільным заводзе ў г. Жодзіна.

 

1972 год

Сістэма ашчадных кас пераведзена на гаспадарчы разлік. Утвораны Фонд развіцця ашчаднай справы.

 

1975 год

Ашчадныя касы аснашчаны электрамеханічнымі падсумоўваючымі машынамі: Аскота-117, Аскота-1330, Аскота-114, Аскота-314.

 

1983-1984 гады

Ашчадныя касы аснашчаны першымі персанальнымі камп’ютэрамі айчыннай вытворчасці: Іскра-1030М, ЕС-1840, 1841, 1842, 1849, 1863, ПТК СБ1.

 

1987 год

Ашчадныя касы пераўтвораны ў Ашчадны банк. Пачалася выдача крэдытаў на спажывецкія патрэбы грамадзян. Утвораны Беларускі рэспубліканскі банк Ашчаднага банка СССР.

 

1991 год

Беларускі рэспубліканскі банк Ашчаднага банка СССР атрымаў магчымасць самастойна вызначаць парадак правядзення дэпазітных і пазыковых аперацый, працэнтнай стаўкі і ўмовы выдання крэдытаў.

 

1992 год

У Ашчадным банку Рэспублікі Беларусь створана першая ЛВС на кааксікальным кабелі на 30 працоўных месцаў.

 

1994 год

Установы Ашчаднага банка Рэспублікі Беларусь прыступілі да комплекснага абслугоўвання суб’ектаў гаспадарання розных формаў маёмасці, у першую чаргу, малога і сярэдняга бізнесу. Укаранёна праграмнае забеспячэнне “Аперацыйны дзень банка”.

 

1995 год

Указам Прэзідэнта Рэспублікі Беларусь № 340 ад 30.08.95 г. шляхам злучэння Ашчаднага банка Рэспублікі Беларусь і Акцыянернага камерцыйнага банка “Беларусбанк” створана Адкрытае акцыянернае таварыства “Ашчадны банк “Беларусбанк”. Пачаўся сучасны этап развіцця банка.

ААБ “Беларусбанк” прызначаны Урадам Рэспублікі Беларусь банкам-агентам па абслугоўванню замежных крэдытных ліній.

 

1996 год

У склад ААБ “Беларусбанк” увайшлі галіновыя банкі “Белсувязьбанк” і “Белжелдорбанк”. Укаранёна сістэма “Кліент-банк”. Банк прызнаны паўнапраўным членам міжнароднай плацежнай сістэмы Europay International. Умацаваліся яго лідыруючыя пазіцыі ў фінансавым сектары эканомікі рэспублікі.

 

1997 год

Адкрыты прадстаўніцтвы ААБ “Беларусбанк” у Расіі (г. Масква) і Польшчы (г. Варшава). Усталявана спецыялізаванае абсталяванне для работы з прадуктамі плацежнай сістэмы EuroCard/MasterCard у рэжыме рэальнага часу.

 

1998 год

Уведзены ў эксплуатацыю праграмна-тэхнічны комплекс “Цэнтр міжфіліяльных разлікаў” (ЦМФР), які дазволіў кіраваць патокамі плацяжоў, праводзіць плацяжы паміж кліентамі банка па схеме “дзень у дзень”.

 

1995-2001 год

ААБ “Беларусбанк” выставіў свае фінансавыя справаздачы пад аўдыт па міжнародных стандартах з запрашэннем міжнародных аўдытарскіх кампаній. Банк стаў паўнапраўным членам міжнароднай плацежнай сістэмы Visa International.

 

1999 год

З 1999 года Беларусбанку прысвойваюцца міжнародныя крэдытныя рэйтынгі. У 1999 і 2000 гг. — кампаніяй Thomson Financial BankWatch (Томсан Файнэншыал БэнкУотч). З 2001 года — рэйтынгавай кампаніяй Fitch Ratings Ltd. (Фітч Рэйцінгс Лтд.).

 

2002 год

ААБ “Беларусбанк” адзначыў сваё 80-годдзе.

 

2003 год

Адкрыта прадстаўніцтва ААБ “Беларусбанк” у Германіі (г. Франкфурт-на-Майне).

 

2004 год

ААБ “Беларусбанк” эмітаваў мільён пластыкавых картак.

ААБ “Беларусбанк” першым з беларускіх камерцыйных банкаў прыступіў да размяшчэння аблігацый для фізічных асобаў.

 

2005 год

У лютым 2005 года міжнароднае рэйтынгавае агенства Fith Ratings павысіла асабісты рэйтынг Беларусбанка з узроўню “Е” да “D/Е”.

ААБ “Беларусбанк” атрымаў ліцэнзію на ажыццяўленне аперацый з каштоўнымі металамі і каштоўнымі камянямі.

7 чэрвеня 2005 года Прэзідэнтам Рэспублікі Беларусь падпісаны Указ № 257 аб далучэнні “Акцыянернага камерцыйнага банка “МінсКомплексБанк” Закрытага акцыянернага таварыства да Адкрытага акцыянернага таварыства  “Ашчадны банк “Беларусбанк”.

29 снежня 2005 года ААБ “Беларусбанк” выпусціў першую ў рэспубліцы мікрапрацэсарную картку Visa стандарта EMV.

 

2006 год

У лютым 2006 года . міжнароднае рэйтынгавае агенцтва Fith Ratings павысіла рэйтынгі ААБ “Беларусбанк”: доўгатэрміновы — з узроўню “ССС+” да “В-” (В мінус) і кароткатэрміновы — з узроўню “С” да “В”. Рэйтынг падтрымкі банка падцверджаны на ўзроўні “5”. Агенцва таксама пацвердзіла асабісты рэйтынг банка: “D/Е”. Прагноз па рэйтынгу ААБ “Беларусбанк” — “Стабільны”.

У лютым 2006 года ААБ “Беларусбанк” пераадолеў мільённы рубеж эмісіі пластыкавых картак Міжнароднай плацежнай сістэмы MasterCard International.

Прыцягнуты першы сіндыкаваны крэдыт.

9 кастрычніка 2006 года ААБ “Беларусбанк” першым сярод банкаў краіны пераадолеў духмільённы рубеж эмісіі пластыкавых картак.

 

2007 год
ААБ “Беларусбанк” і Bayerische Landesbank (Германія) падпісалі Рамкавае пагадненне, мэтай якога з’явілася фінансаванне паставак машын і абсталявання айчынным прадпрыемствам, а таксама магчымасць прыцягваць доўгатэрміновыя фінансавыя рэсурсы нямецкага банка ў рэальны сектар эканомікі Рэспублікі Беларусь.

Размешчаны першы транш іпатэчных аблігацый Беларусбанка.

У маі 2007 года ААБ “Беларусбанк” пераадолеў мільённы рубеж эмісіі пластыкавых картак Міжнароднай плацежнай сістэмы Visa International.

У маі 2007 года размешчаны дэбютны выпуск крэдытных нотаў Беларусбанка на суму $ 125 мільёнаў.

У чэрвені 2007 года першым сярод банкаў краіны адкрыў Прадстаўніцтва ў Кітаі (г. Пекін).

 

2008 год

ААТ "ААБ Беларусбанк" стаў пераможцам міжнароднага фестывэлю-конкурсу "Выбар года 2007" у намінацыі "Банкі", атрымаўшы вышэйшую адзнаку сярод беларускіх банкаў.

Па стане на 19 лютага 2008 года аб'ём размешчаных банкам аблігацый з іпатэчным пакрыццём перавысіў 100 мільёнаў долараў ЗША ў эквіваленце.

У сакавіку 2008 года ў банку ўкаранёны валютна-абменныя аперацыі з валютай Народнага банка Кітая.

У маі 2008 года банкам быў уведзены ў эксплуатацыю дзевяцісоты інфакіёск.

На 1 чэрвеня 2008 года аб'ём прыцягнутых "Беларусбанкам" сродкаў фізічных асоб склаў 7,3 трлн. рублёў.

Па стане на 5 чэрвеня 2008 года аб'ём аблігацый банка, якія знаходзяцца ў абарачэнні, перавысіў 250 млрд. рублёў.

З 9 чэрвеня 2008 года банк пачаў прыём грашовых сродкаў на тэрміновы банкаўскі ўклад  у замежнай валюце "Універсальны" ў юанях КНР.

У жніўні банкам была прапанаваная новая паслуга М-банкінг.

У верасні банку прадстаўлена права на правядзенне аперацый куплі-продажы каштоўных камянёў. 

У кастрычніку банкам падпісаны Мемарандум аб паразуменні з групай Deutsche Börse - аператарам самай буйнай біржы каштоўных папер Германіі - Франкфурцкай фондавай біржы.

Трымальнікі картак ААТ "ААБ Беларусбанк" атрымалі магчымасць вылучанага доступу да свайго карт-рахунку праз сетку Інтэрнэт для ажыццяўлення плацяжоў і атрыманні неабходнай інфармацыі ў рэжыме on-line з дапамогай новай паслугі Інтэрнэт-банкінг.

У снежні ААТ "ААБ Беларусбанк" першым сярод банкаў Рэспублікі Беларусь пераадолеў 3-х мільённую мяжу эмісіі пластыкавых картак.

Сума сродкаў, утрыманых у дзяржбюджэт з падрадных арганізацый па выніках 10-летняй дзейнасці дэпартамента кантрольных абмерванняў банка склала 9,3 млрд. рублёў, што эквівалентна па цэнах г.Мінска 730 кватэрам плоўай 70-80 м2 або дзесяці 70-кватэрным жылым дамам.

Юрыдычная служба банка ўдастоена звання "Лепшая юрыдычная служба".

2009 год

9 студзеня 2009 года пачата будаўніцтва Адміністрацыйнага будынка ААТ "ААБ Беларусбанк" па пр.Дзяржынскага ў г.Мінску.

У сакавіку ААТ "ААБ Беларусбанк" прызнана лепшым банкам свету па якасці абслугоўвання кліентаў па сістэме Western Union у 2008 годзе.

У сакавіку ў Варшаве падпісана Дамова аб супрацоўніцтве паміж ААТ "ААБ Беларусбанк" і Варшаўскай фондавай біржай, што забяспечвае выхад беларускіх кампаній на міжнародны рынак капіталу.

Укаранёна сістэма тэрміновых грашовых пераводаў фізічных асобаў без адкрыцця рахунку BLIZKO ААТ АКБ "Сувязь-банк", г.Масква.

Укараненне архіва электронных мемарыяльных дакументаў (АЭМД) і электроннага дакументазвароту ў банку ў сярэднім за 2009 год дазволіла змясціць у АЭМД каля 50% ад агульнай колькасці бухгалтарскіх дакументаў дня.

З ўдзелам банка пачата фінансаванне інвестыцыйных праектаў па развіццю цэментавай прамысловасці - на ВРУП "Беларускі цэментавы завод", ВРУП  "Крычаўцэменташыфер"  і ААТ  "Краснасельскбудматэрыялы".

У чэрвені банкам пачата прадастаўленне экспартных крэдытаў арганізацыям-нерэзідэнтам РБ у рамках рэалізацыі Указа Прэзідэнта РБ ад 25.08.2006 №534 "Аб садзейнічанні развіццю экспарту тавараў (работ, паслуг)".

У чэрвені банк прыступіў да ажыццяўлення аперацый па набыцці аблігацый, выпушчаных  эмітэнтамі - юрыдычнымі асобамі.

У чэрвені колькасць прадпрыемстваў гандлю і сэрвісу, з якімі банкам рэалізавана праграма скідак для трымальнікаў пластыкавых картак, перавысіла больш за 100 арганізацый.

Агульным сходам акцыянераў банка зацверджаны Кодэкс карпаратыўнага кіравання ААТ "ААБ Беларусбанк".

Банк прыступіў да куплі каштоўных металаў у выглядзе мерных зліткаў ва ўсіх абласных цэнтрах рэспублікі.

Праз сетку сваіх структурных падраздзяленняў банк пачаў рэалізацыю атэставаных брыльянтаў.

У г.Франкфурт-на-Майне падпісана Крэдытная Дамова паміж ААТ "ААБ Беларусбанк" і АКА Ausfuhrkredit-Gesellschaft mbH (Германія) на суму звыш за 34,0 млн еўра.

Часопіс The Banker адзначыў дынамічнае развіццё банка падвышэннем на 175 пазіцый у рэйтынгу ТОП-1000 вядучых банкаў свету - банк заняў 452 месца сярод найбуйнейшых банкаў свету.

Сусветна вядомым фінансавым выданнем Global Finance ў 2009 годзе банку прысуджана званне "Лепшы банк Рэспублікі Беларусь".

Другі год запар банк стаў пераможцам Міжнароднага фестывалю-конкурсу "Выбар года" сярод беларускіх банкаў як банк №1 у намінацыі "Банкі".

Прэс-служба банка атрымала перамогу ў рэспубліканскім конкурсе ў галіне развіцця сувязяў з грамадскасцю ў намінацыі "Лепшая прэс-служба года" і была адзначана дыпломам "PRemiя-2008".

У кастрычніку банк выпусціў новы картачны прадукт - ашчадныя карткі БелКарт-М і Visa Electron з чыпам.

У кастрычніку банкам быў уведзены ў эксплуатацыю 1500-ты інфакіёск.

У кастрычніку "Беларусбанк" першым з беларускіх банкаў прыступіў да рэфінансавання забяспечанай іпатэкай крэдытнай запазычанасці кліентаў з выкарыстаннем бездакументарных закладных.

У лістападзе сродкі фізічных асобаў у эквіваленце ўсіх валют у банку дасягнулі 10 трлн рублёў.

На 1 снежня аб'ём змешчаных у звароце аблігацый ААТ "ААБ Беларусбанк" перавысіў 1 трлн рублёў.

У снежні банк атрымаў ліцэнзію міжнароднай плацёжнай сістэмы Visa International на электронную камерцыю.

На працягу года ўведзены ў эксплуатацыю новыя будынкі філіялаў №113 у г.Кобрыне і №624 у г.Стаўбцы, цэнтра банкаўскіх паслуг №415 у г.Масты.

Да канца 2009 года 1287 аддзяленняў банка (каля 70% з усіх аддзяленняў банка) падключаны да цэнтралізаванага сховішча дадзеных па аперацыях фізічных асобаў (ЦСД ФА), што дазволіла фізічным асобам ажыццыўляць аперацыі па сваіх укладных рахунках у любым рэгіёне рэспублікі незалежна ад месца адкрыцця рахунку.

За студзень - снежань 2009 года астатак запазычанасці па крэдытах, якія выдадзены жыхарам Беларусі, павялічыўся да 10,7 трлн рублёў (835 тысяч дзеючых дагавораў).

У рамках рэалізацыі Дзяржаўнай праграмы жыллёвага будаўніцтва ў 2009 годзе банкам выдадзена крэдытаў больш за 3 трлн. рублёў, уведзена ў эксплуатацыю больш за 30 тысяч кватэр агульнай плошчай 2,3 млн. кв. метраў.

2010 год

На 1 студзеня 2010 года аб'ём партфеля карпаратыўных аблігацый, якія знаходзяцца ва ўласнасці банка, перавысіў больш за 1 трлн. рублёў.

Доля "Беларусбанка" па крэдытах, якія выдадзены фізічным асобам у цэлым па банкаўскай сістэме рэспублікі, павялічылася за 2009 год больш чым на 6 працэнтных пунктаў і на 1 студзеня 2010 года склала 67,5%.

З 10 жніўня 2009 года банк прыступіў да выдачы ільготных спажывецкіх крэдытаў у адпаведнасці з Указам Прэзідэнта РБ №371 "Аб ільготным спажывецкім крэдытаванні". Па стане на 1 студзеня 2010 года заключана больш за 3 тысячы крэдытных дагавораў, аб'ём якіх перавысіў 12 млрд рублёў або 76% ад агульнага аб'ёму ільготных спажывецкіх крэдытаў, прадстаўленых у цэлым па банкаўскай сістэме рэспублікі.

У выніку ператварэнняў падраздзяленняў банка з мэтай пераходу на двухузроўневую сістэму апрацоўкі інфармацыі на 1 студзеня 2010 года створаны 71 цэнтр банкаўскіх паслуг, што перавысіла колькасць філіялаў на 6 адзінак.